अनलाइन डबली
काठमाडौं । निवर्तमान राष्ट्रपति विद्यादेवी भण्डारीको आजै बिदाई गरिँदैछ । नवनिर्वाचित राष्ट्रपति रामचन्द्र पौडेलले शपथ ग्रहणसँगै भण्डारीको बिदाई गर्न लागिएको हो । पौडेलको शपथको लागि दिउँसो १ बजे विशेष समारोहको आयोजना गरिएको छ ।
नेपाली सेनाले नयाँ राष्ट्रपतिलाई २१ सलामीको तोपले स्वागत गर्नेछ भने भण्डारीलाई सोही तोपको सलामी दिएर बिदाई गर्ने कार्यक्रम तय भएको छ ।
भण्डारी आफ्नो नीजि निवास नगएर बालुवाटारस्थित छोरीको निवासमा सर्ने तयारीमा रहेको बताइएको छ । उनलाई छोरीको निवाससम्मै लगेर छोडिने राष्ट्रपति कार्यालयले जनाएको छ ।
भण्डारीले बुढानीलकण्ठस्थित निजी निवास तयारी नभएको बताइएको छ । २०७२ को भूकम्पले क्षति पुगेको बुढानीलकण्ठको घर मर्मत कार्य नसकिएकोले छोरीको घरमा जाने लागेकी हुन् ।
नवनिर्वाचित राष्ट्रपति पौडेललाई कायममुकायम प्रधानन्यायाधीश हरिकृष्ण कार्कीले शपथ खुवाउनेछन् । त्यसपछि भण्डारीले राष्ट्रपतिको असन पौडेललाई सुम्पिनेछन् र बिदाई हुनेछन् ।
शपथ ग्रहण र बिदाइ समारोहमा एक हजार पाँच सयभन्दा बढी पाहुनाहरुलाई निमन्त्रणा गरिएको राष्ट्रपति कार्यालयले जनाएको छ ।
निवर्तमान भण्डारी आजै शितलनिवास छोड्दैछन् ।
