काठमाडौं । दाङको घोराही उपमहानगरपालिका ४ स्थित मावि डाँडागाउँ गोलीको विद्यालय व्यवस्थापन समिति निर्वाचनमा नेकपा माओवादी केन्द्रको एकल प्यानल विजयी भएको छ ।

उक्त निर्वाचनमा नेपाली कांग्रेस र नेकपा एमालेको संयुक्त प्यानललाई पराजित गर्दै माओवादी केन्द्रको एकल प्यानल विजयी भएको हो ।

कूल ४९९ मत खसेकोमा माओवादी केन्द्रका उम्मेदवारहरु सुमन रोका २७७, शम्भु योगी २८८, रचनी चौधरी २७५ र गिता सुनार २७३ मतसहित विजयी भएका हुन्। सदस्यहरुको बैठकबाट अध्यक्ष निर्वाचित गर्ने प्रावधान छ ।