काठमाडौं । नेकपा एकीकृत समाजवादीका भाई सरोज कुमार उपाध्यायको शनिबार एक रेष्टुरेन्टको ६ तलबाट खसेर निधन भएको छ । कफी खान पुगेका सरोजले ६ तलामाथिबाट हाम फालेको केही संचारमाध्यमहरुले समाचारमा उल्लेख गरेका छन् ।
शनिबार उपाध्यायले शंखमुलस्थित बबिन्स कफीको छैटौँ तलाबाट हाम फालेको खुलेको फालेको बताइएपनि यसको पुष्टि हुन सकेको छैन । यसबारे होटल संचालक रञ्जित कुमार यादवले पनि छैटौँ तलाको झ्यालबाट खसेको बताए तर उनले पनि हाम फालेको नदेखेको बताउँछन् । यादवका अनुसार केही दिनदेखि उपाध्याय नियमित रूपमा बिहान साढे १० बजेतिर कफी पिउन आउने गरेका थिए ।
रेष्टुरेन्टको ६ तलामाथिबाट खसेर गम्भीर घाइते भएका उपाध्यायलाई उपचारको लागि वानेश्वरस्थित सिभिल अस्पताल पुर्याइएको थियो तर टाउकोमा गम्भीर चोट लागेकोले अन्नपूर्ण अस्पताल लगिएको थियो । उपचार चिकित्सकले बचाउन सकेनन् ।
काठमाडौं प्रहरीले पनि हाम फालेको वा खसेको भन्नेबारे अनुसन्धान भइरहेको बताएको छ ।
सरोज एकीकृत समाजवादीका केन्द्रीय सदस्यमा चयन गरिएको थियो ।