काठमाडौँ । दक्षिण कोरियाले रोजगार अनुमति प्रणाली (ईपीएस) को कोटा थप गरेको छ । नेपालले कोरिया सरकारले तोकेको मापदण्ड पूरा गरेर छिटो र छरिताे रुपमा श्रमिक पठाएकोले कोटा थप गरेको हो । ईपीएस कोरिया शाखाका निर्देशक पुष्पराज कटुवाललका अनुसार यो वर्षबाट कोरियाले थप कामदार लिने भएको छ ।

पछिल्लो पटक दक्षिण कोरिया सरकारको मानव संसाधन विभाग (एचआरडी)ले श्रमिक आपूर्तिबारे केही नीति परिवर्तन गर्दै जुन देशले छिटो श्रमिक पठाउन सक्छ त्यही देशलाई बढी कोटा दिने नीति अनुसार नेपालले थप कोटा पाएको ईपीएस शाखाले जनाएको छ ।

आकर्षक श्रम गन्तव्य देश बनेको दक्षिण कोरियाले यही फेब्रुअरीदेखि प्रत्येक महिना दुई हजार नेपाली युवा कोरिया लैजान थालेको हो ।