काठमाडौँ । खाने पकाउने ग्यासबाहेक पेट्रोल र डिजेलको मूल्य घटेर आएको छ । इण्डियन आयल कर्पोरेशन (आईओसी) ले पठाएको नयाँ मूल्यसूची अनुसार खाना पकाउने एलपीजी ग्यासको मूल्य ३३९ रुपैयाँ प्रतिलिसिन्डर बढेर आएको छ ।

निगमले उपभोक्तालाई राहत पुगोस् भनेर ग्यासको प्रतिसिलिण्डर केही घाटा खाएर १८ सय बिक्री गर्दै आइरहेको थियो ।

आईओसीले पठाएको नयाँ मूल्यअनुसार पेट्रोलको मूल्य प्रतिलिटर १.२१ रुपैयाँ घटेको छ । त्यस्तै, डिजेलको मूल्य प्रतिलिटर ५.०५ रुपैयाँ घटेको छ भने हवाई इन्धनको मूल्य ७ रुपैयाँ प्रतिलिटर र मट्टितेलको मूल्य प्रतिलिटर ३.४० रुपैयाँ घटेर आएको छ ।

एलपीजी ग्यासबोहक सबै पेट्रोलियम पदार्थको मूल्य घटेर आउँदा निगमलाई १५ दिनमा ४० करोड रुपैयाँ आसपास नाफा हुने देखिएको छ ।
तर, एलपी ग्यासमा भने १५ दिनमा ९३ करोड रुपैयाँ हुने निगमले जनाएको छ ।

नयाँ मूल्य सूची आएसँगै अब नेपाल आयल निगमले मूल्य डिजेल, पेट्रोल र हवाई इन्धनमा घटाउछ वा ग्यासको घाटा पूर्ती गर्छ त्यसबारे भोलिसम्म निर्णय गर्न सक्ने बताइएको छ ।