अनलाइन डबली
काठमाडौं । स्वतन्त्र विद्यार्थी युनियनको चुनावमा नेकपा (माओवादी केन्द्र) को भातृ संगठन अखिल (क्रान्तिकारी) र नेपाल समाजवादी पार्टीको विद्यार्थी संगठन समाजवादी विद्यार्थी युनियनबीच तालमेल हुने भएको छ ।
सोमबार बाल्मिकी क्याम्पसमा कार्यक्रम गरेर उनीहरुले यस्तो घोषणा गरेका हुन् ।
दुवै संगठनबीच भएको सहमतिपत्रमा अखिल क्रान्तिकारीकी अध्यक्ष पञ्चा सिंह र समाजवादी विद्यार्थी युनियनका अध्यक्ष नेत्र चापागाईंले हस्ताक्षर गरेका छन् ।
चैत ५ मा त्रिभुवन विश्वविद्यालय र नेपाल संस्कृत विश्वविद्यालय, चैत ३ मा मध्यपश्चिम र चैत ८ मा सुदूरपश्चिम विश्वविद्यालयले गर्ने स्ववियु चुनावमा तालमेल गर्ने सहमति भएको हो ।
स्ववियु निर्वाचनमा दुवै संगठनले एउटै प्यानल, एउटै घोषणापत्र र एउटै समानुपातिक बन्दसूची सहित चुनावी तालमेल गर्ने सहमतिपत्रमा उल्लेख छ । संगठनहरूबीच एकताका लागि कार्यदल पनि गठन गरिएको छ ।
