अनलाइन डबली
काठमाडौं । प्रधानमन्त्री प्रचण्डको कतार भ्रमण रद्द भएको छ । राष्ट्रपति चुनावको कार्यतालिका अनुसार प्रधानमन्त्री प्रचण्ड व्यवस्त रहनु पर्ने भएकोले कतार भ्रमण रद्द गरिएको हो ।
अल्पविकसित राष्ट्रहरुको पाँचौं सम्मेलनमा भाग लिन प्रधानमन्त्री फागुन १९ गते शुक्रबार कतार जाने कार्यक्रम थियो । आइतबार साँझ बसेको गठबन्धनको बैठकले १८ र १९ गते सा्ंसदहरुलाई अभिमुखीकरण चलाउने निर्णय गरेको थियो ।
फागुन १८ गते संघीय सांसद र १९ गते सातवटै प्रदेशका सांसदहरुलाई राष्ट्रपतिको निर्वाचन सम्बन्धी अभिमुखीकरण कार्यक्रम तय भएकोले भ्रमण रद्द भएको प्रधानमन्त्रीको सचिवालयले जनाएको छ ।
गठबन्धनको बैठकमा नेताहरुले राष्ट्रपतिको निर्वाचनमा महत्वपूर्ण भूमिका प्रचण्डकै हुने भन्दै भ्रमण रद्द गर्न आग्रह गरेका थिए ।
अल्पविकसित राष्ट्रहरुको सम्मेलन फागुन २१ गतेदेखि कतारको दोहामा सुरु हुनेछ ।
