अनलाइन डबली
काठमाण्डाै । सुनको भाउ अहिलेसम्मकै उच्च भएको छ । आज तोलामा सुनको भाउ १ लाख ७ हजार ५ सय रुपैयाँमा पुगेको छ ।
हिजो बुधबार सुनको भाउ तोलामा १ लाख ६ हजार ३ सय रुपैयाँमा कारोबार भएको थियो । हिजोको भाउभन्दा आज सुन तोलामा १ हजार २ सय रुपैयाँले बढेको हो । अन्तर्राष्ट्रिय बजारमा नै सुनको भाउ बढेकाले नेपालमा पनि महँगाे भएको नेपाल सुन चाँदी व्यवसायी महासङ्घले जनाएको छ ।
विश्वमा बढेको आर्थिक मन्दीले गर्दा लगानी सुरक्षित हुन नसकेको बिध्यमा अवस्थामा सुरक्षित लगानीका लागि सुनमा लगानी बढेको हुनसक्ने भएका कारण अहिले सुनको माग र कारोबार बढ्दा भाउ बढेको महासङ्घको भनाइ छ ।
यस्तै, आज चाँदीको पनि भाउ बढेको छ । तोलामा २५ रुपैयाँले बढेर चाँदी आज १ हजार ३ सय ९५ रुपैयाँमा कारोबार भइरहेको छ ।
