आज :

एनआरएनएका अध्यक्ष कुँवरको केएमई ट्राभलले पायो अन्तर्राष्ट्रिय हवाई यातायातको मान्यता

  • अनलाइन डबली

काठमाडौं । दक्षिण कोरियामा नेपाली युवा व्यवसायी विनोद कुँवरले संचालन गरेको केएमई कम्पनी लिमिटेड (केएमई ट्राभल्स एण्ड टूर) ले अन्तर्राष्ट्रिय हवाई यातायातको मान्यता पाएको छ । अन्तर्राष्ट्रिय हवाई यातायात संघ (आईएटीए) यो मान्यताको प्रमाणपत्र दिएसँगै केएमईले १५० भन्दा बढी देशमा हवाई यातायात सेवा गर्न पाउने भएको छ ।

कोरोना महामारीको कारण कोरियामा अलपत्र परेका नेपालीहरुको उद्दारसँगै सेवा सुरु गरेको केएमईले हवाई उडान व्यवस्थापन, कार्यदक्षता, विश्वसनीयतासँगै आईएटीएको नियम पालना गरेकोले मान्यता पाएको हो । केएमई कोरियामा नेपालीको लगानी रहेको र अन्तर्राष्ट्रिय हवाई सेवा यातायातको मान्यता पाउने पहिलो कम्पनी हो ।

गैर आवसीय नेपाली संघ (एनआरएनए) अन्तर्राष्ट्रिय समन्वय परिषदका अध्यक्ष समेत रहेका सफल व्यवसायी कुँवरले संचालन गरेको ट्राभलले दक्षिण कोरिया र नेपालमा छोटो अवधिमा हवाई एजेन्सीको रुपमा स्थापित भएको छ । केएमई ट्राभल्सले अन्तर्राष्ट्रिय बजारमा आफ्नो थप सेवा विस्तार गर्ने कुँवरले बताए ।

सफल व्यवसायी अध्यक्ष कुँवरले नेपालमा ऊर्जा, कृषि, उद्योग क्षेत्रमा समेत लगानी गरेका छन् ।

अन्तर्राष्ट्रिय हवाई यातायात संघ (आईएटीए) अन्तर्राष्ट्रिय वायु सेवाहरूको उद्योग व्यापार समूह हो । क्यानाडाको मोन्ट्रियलमा प्रधान कार्यालय रहेको संघले वायु सेवा उद्योगको सेवा र टेवा पुर्याउदै आएको छ ।

आईएटीएले २३० वायु सेवा निगमको प्रतिनिधित्व गर्दै आएको छ । अन्तर्राष्ट्रिय हवाई यातायातको ९३ प्रतिशत ओगटेको संघले १५० भन्दा बढी देशमा सेवा दिँदै आएको छ । आईएटीएले हवाई भाडादर निर्धारण र हवाई नीति तयार पार्दै आएको संघका विश्वभरी १०१ कार्यालय छन् ।

 

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal