अनलाइन डबली
काठमाडौं । ब्राजिलका राष्ट्रपति लुइज इनासियो लुला दा सिल्भाले सेना प्रमुख जनरल जुलियो सेजर डे अरुडालाई बर्खास्त गरेका छन् । ब्राजिलमा वामपन्थी सिल्भाले राष्ट्रपतिमा निर्वाचित भएपछि अमेरिकी योजनामा विरोध प्रदर्शन भएको बताइएको छ ।
पराजितपछि अमेरिका पुगेका पूर्वराष्ट्रपति बोल्सो नारोलाई पुनः फर्काउने योजनाका साथ विरोध प्रदर्शन भएको बताइएको छ । सरकारी अधिकारीहरुले अमेरिकाको सहयोगमा नाराेले समर्थकलाई सडकमा उतारेकाे बताएका छन् ।
अराजक रुपमा सडकमा उत्रेका प्रदर्शनकारीहरुले जनवरी ८ तारिखमा संसद् भवन, राष्ट्रपति भवन तथा सर्वोच्च अदालतसहित सरकारी कार्यालयमा तोडफोड गरेका थिए ।
तोडफोड रोक्न सुरक्षाकर्मीलाई परिचालन र आदेश नदिएपछि भन्दै विरोध भइरहेको बेला राष्ट्रपति सिल्भाले अरुडालाई बर्खास्त गरेको अन्तर्राष्ट्रिय संचारमाध्यमहरुले बताएका छन् ।
डिसेम्बर ३० तारिखमा अरुडाले सेनाको कमाण्ड सम्हालेका थिए ।
ब्राजिलको सर्वोच्च अदालतले संसद् भवनमाथिको आक्रमणको बारेमा छानबिन गरिरहेको छ ।
ब्राजिलमा गएको अक्टोबरमा भएको राष्ट्रपति चुनावमा वामपन्थी उम्मेदवार लुला दा सिल्भा विजयी भएका थिए । चुनावमा धाँधली भएको भन्दै बोल्सो नारोका समर्थकले प्रदर्शन गर्दै आएका छन् ।
