अनलाइन डबलीकाठमाडौं । सुर्खेतको झुप्रा खोलामा गाडी दुर्घटना हुँदा ४ जनाको मृत्यु भएको छ । छिन्चुबाट वीरर्न्द्रनगरतर्फ आउँदै गरेको बा.प्र.०१०२६च ९२१३ नं.को डबल क्याप हाइलेक्स गाडी राती २ बजे दुर्घटना भएको सुर्खेत प्रहरीले जनाएको छ ।
सुर्खेत प्रहरीका अनुसार दुर्घटनामा परी गाडी चालक वीरेन्द्रनगर- ७ का २७ वर्षीय सागर शाही, दैलेख डुङ्गेश्वर गाउँपालिका-५ का ३३ वर्षीय दीपेन्द्रजंग शाही, दैलेख भगवतीमाई गाउँपालिका-५ का ३१ वर्षीय बबिन शाही र दैलेख गुराँस गाउँपालिका-३ का ३६ वर्षीय राजेन्द्र बि.सीको मृत्यु भएको छ ।
तीनको घटनास्थलमै र एक जनाको उपचारको क्रममा मृत्यु भएको हो । दुर्घटनास्थलबाट प्रहरीले उद्धार गरी अस्पताल पुर्याइएको थियो तर अस्पतालले तीन जनाले मृत घोषणा गरेको थियो ।
दुर्घटनामा परी दैलेख भैरवी गाउँपालिका-५ का वीरेन्द्रराज शाहीको उपचार भइरहेको छ । उनको छातीमा गम्भीर चोट लागेको बताइएको छ ।
