अनलाइन डबली
काठमाडौं । आज सोनाम ल्होछार अर्थात तामाङ समुदायको नयाँ वर्ष २८५९ मनाइँदैछ । हरेक माघ शुक्ल प्रतिपदाका दिन सोनाम ल्होछार पर्व मनाउने गरिन्छ ।
आज काठमाडौंको टुँडिखेलमा नेपाल तामाङ घेदुङले बृहत तामाङ सांस्कृतिक महोत्सव आयोजना गरिएको छ । उक्त महोत्सवको प्रधानमन्त्री प्रचण्डले दिउँसो १ बजे उदघाटन गर्ने कार्यक्रम रहेको छ ।
यो पर्व तामाङसहित ह्योल्मो, थकाली, जिरेल, नेस्याङ्वा, भोटे, दुरा, लेप्चा आदि जातिले समेत आ–आफ्नै शैली र परम्पराअनुसार मनाउँदै आएका छन् ।
सरकार सोनाम ल्होछारको अबसर सरकारले आज सार्वजनिक बिदा दिएको छ ।
कृषिको थालनीसँगै विकास भएकाले यो पर्वलाई सोनाम (किसानको) ल्होछार पनि भन्ने गरिन्छ ।
ल्होछार नेपालमा मात्र नभइ चीन, मङ्गोलिया, जापान, कोरिया, हङकङ, भियतनाम, लाओस, थाइल्याण्ड, ताइवान, मलेसिया, सिङ्गापुरलगायतका मङ्गोल-चिनियाँ सभ्यता पुगेका संसारका सबै महादेश र देशमा मनाइन्छ । सोनाम ल्होसारलाई विश्वकै पुरानो संस्कृति पनि मानिन्छ ।
