काठमाडौँ । राष्ट्रिय ध्वजावाहक नेपाल वायुसेवा निगमले कर्मचारी सञ्चय कोषलाई तिर्नु पर्ने ऋण दायित्वको किस्ता वापतको रु. ३३ करोड ९ लाख ५५,२८१ भुक्तानी गरेको छ ।

निगमले  पौष २९ गते कर्मचारी सञ्चय कोषबाट जहाज खरिदका निम्ति ऋण लिएकोमा न्यारोवडी जहाज खरिदको सावाँ र ब्याज वापतको रकम भुक्तानी गरिएको हो ।

विगतमा विविध कारणले संचयकोष तथा नागरिक लगानी कोषको ऋण दायित्व भुक्तानी नभइरहेकोमा निगमको व्यवस्थापन वर्तमान नेतृत्वले सम्हालेपछि मिति २०७९ असार ३० गते १ अर्ब ३५ करोड रुपैयाँ र २०७९ कात्तिक १ गते ७३ करोड ९ लाख ५५,२८१ भुक्तानी गरिसकेको व्यहोरा निगमले सम्बन्धित सबैमा अवगत गराइएको बिज्ञप्ति मार्फत जनाएको  छ ।