काठमाडौं । एनएमबि लघुवित्त वित्तीय संस्थाले आफ्नो सेयरधनीलाई लाभांश वितरण गर्ने भएको छ । कम्पनीको २७ पुस (बुधबार) बसेको सञ्चालक समितिको बैठकले १०.५२६३ प्रतिशत लाभांश दिने निर्णय गरेको हो ।

लघुवित्तले आर्थिक वर्ष २०७८/७९ को वितरण योग्य मुनाफाबाट सेयरधनीहरूलाई उक्त लाभांश वितरण गर्ने प्रस्ताव गरेको हो । कम्पनीले १० प्रतिशत बोनस सेयर र ०.५२६३ प्रतिशत नगद सेयर वितरण गर्नेछ ।

लघुवित्तले हाल काय चुक्ता पुँजी ६५ करोड ५८ लाख ६२ हजार ८८२ रुपैयाँको १० प्रतिशतले हुने आउने ६ करोड ५५ लाख ८६ हजार २८६ रुपैयाँ बराबरको बोनस सेयर र लाभांशमा लाग्ने कर प्रयोजनको लागि ०।५२६३ प्रतिशतले हुन आउने ३४ लाख ५१ हजार ९१०रुपैयाँ बराबरको नगद लाभांश वितरण गर्ने प्रस्ताव गरेको छ ।

प्रस्तावित लाभांश नियामक नेपाल राष्ट्र बैंकको स्वीकृतिपछि कम्पनीको आगामी वार्षिक साधारण सभाबाट पारित भएपछि सेयरधनीहरूले पाउनेछन्।