काठमाडौं – प्रमुख प्रतिपक्षी दल नेपाली कांग्रेसले प्रधानमन्त्री पुष्पकमल दाहाल प्रचण्डलाई विश्वासको मत दिन ह्वीप जारी गरेको छ ।
कांग्रेस संसदीय दलका नेता शेरबहादुर देउवाको निर्देशनमा कांग्रसका मुख्य सचेतक रमेश लेखकले पार्टीका सांसदहरुलाई ह्वीप जारी गर्नुभएको हो । संसदीय दलले ह्वीप लगाएपछि कांग्रेसका असन्तुष्ट सांसदहरु पनि दाहाललाई मत दिने पक्षमा पुगेका छन् ।
कांग्रेसको मंगलबार बसेको केन्द्रीय कार्य सतिको बैठमा महामन्त्रीद्वय गगन थापा र विश्वप्रकाश शर्मा एवं सांसदहरु प्रकाशमान सिंह,अर्जुन नरसिंह केसी र प्रदीप पौडेलले दाहाललाई विश्वासको मत दिन नहुने भन्दै असन्तुष्टि जनाएका थिए । तर त्यति हुँदा हुँदै पनि बैठकले दाहाललाई विश्वासको मत दिने निर्णय गरेको थियो । संसदीय दलको ह्वीप सँगै अब असन्तुष्टहरुले पनि दाहाललाई मत दिनेछन् ।
