काठमाडौं । आज पनि देशकाक केही भागको मौसम बदली हुनेछ । मौसम पूर्वानुमान महाशाखाका अनुसार दिउँसो देशको उच्च पहाडी तथा हिमाली भू-भागका थोरै स्थानहरुमा हल्का हिमपातको सम्भावना रहेको छ ।

त्यसैगरी तराई तथा मधेसमा हिजो जस्तै बाक्लो हुस्सु लाग्नेछ । बाक्लो हुस्सुसँगै तराई मधेसको जनजीवन प्रभावित भएको छ । चिसोले बालबालिका र वृद्धवृद्धामा स्वास्थ्य समस्या देखिन थालेका छन् ।

बाक्लो हुस्सुका कारण सडक तथा हवाई यातायातमा समेत प्रभाव हुने बताउँदै सावधानी अपनाएर यात्रा गर्न आग्रह समेत गरेको छ ।