अनलाइन डबलीधनगढी । भारतको गुजरातबाट ६६ यात्रु बोकेर कैलाली आउँदै गरेको बस दुर्घटना भएको हुँदा तीन नेपालीको मृत्यु भएको छ । गएराति भारतको लखनउ नजिकै दुर्घटनामा अन्य एक जनाको पनि ज्यान गएको छ ।
जिल्ला प्रशासन कार्यालय कैलालीका सूचना अधिकारी शिवराज जोशीले संचारमाध्यमहरुलाई दिएको जानकारी अनुसार दुर्घटनामा परी बस चालकको पनि मृत्यु भएको छ ।
कैलाली प्रहरीका अनुसार ममृत्यु हुनेमा टीकापुर नगरपालिका ज्योतिनगरका ४० वर्षीय ललित साउद र व्यवसाय क्षेत्र बस्ने ४५ वर्षीय चन्द्र साउद रहेको र १ जना महिलाको सनाखत हुन सकेको छैन ।
त्यसैगरी दुर्घटनामा परी अन्य १४ जना घाइते भएका छन् । जसमध्ये ३ जना गम्भीर छन् । घाइतेहरुको स्थानीय स्वास्थ्य संस्थामा उपचार भइरहेको छ ।
भारतीय प्रहरीलाई उदृत गर्दै नेपाल प्रहरीले दुईवटा बसले ठक्कर दिएको बताइएको छ । भारतको गुजरात, सुरतलगायतका क्षेत्रबाट नेपालीहरु मात्रै ओहोरदोहोर गर्न मिल्ने गरी बस सेवा सञ्चालन हुँदै आएको छ ।
