अनलाइन डबली
काठमाडौं । प्रधानमन्त्री प्रचण्डको निर्देशनपछि पेट्राेलियम पदार्थकाे मूल्य घटेको छ । नेपाल आयल निगमको सञ्चालक समितिको बैठकले आज आइतवार राति १२ बजेदेखि लागू हुने गरी पेट्राेलियम पदार्थकाे मूल्य घटाएकाे हाे ।
निगमले पेट्रोल, डिजल र मट्टीतेलको मूल्य प्रतिलिटर तीन/तीन रुपैयाँका दरले घटाएकाे छ । यस्तै आन्तरिक र अन्तर्राष्ट्रिय हवाई इन्धनमा क्रमश: २० र ३० रुपैयाँले घटाएको निगमले जनाएकाे छ ।
अब नयाँ मूल्यसूची अनुसार पेट्राेल प्रतिलिटर एक सय ७५ रुपैयाँ कायम भएकाे छ भने डिजल र मट्टीतेल प्रतिलिटर एक सय ७५ रुपैयाँ कायम भएकाे छ ।
हवाई यातायातको भाडा चर्को भइरहेको बेला सरकारले आन्तरिक र बाह्य मूल्य घटेकोसँगै नागरिकलाई राहत मिल्ने भएको छ । अब नयाँ मूल्य अनुसार आन्तरिक हवाई इन्धनको मूल्य प्रतिलिटर एक सय ७० रुपैयाँ र बाह्यतर्फ प्रतिकिलोलिटर एक हजार चार सय २० डलर कायम भएको छ ।
भारतबाट बढेर आएपनि खाना पकाउने एलपी ग्यासको मूल्य भने बढइएको छैन ।
अन्तर्राष्ट्रिय बजारमा पेट्राेलियम पदार्थकाे मूल्य घटेपनि नेपालमा समायोजना नगरेको भन्दै विरोध भइरहेको बेला प्रधानमन्त्री प्रचण्डले निर्देशन दिएका थिए ।
