अनलाइन डबली
काठमाडौं । अब श्रम स्वीकृतिको लागि काठमाडौँ नै आउनु नपर्ने भएको छ । श्रम रोजगार तथा सामाजिक सुरक्षा मन्त्रालयले सातवटै प्रदेशबाट श्रम स्वीकृत प्रदान गर्ने तयारी थालेको छ ।
मन्त्रालयका अनुसार श्रम तथा रोजगार कार्यालय विराटनगर र जनकपुरबाट पनि आगामी आइतबारदेखि संस्थागत र व्यक्तिगत श्रम स्वीकृति प्रदानको काम सुरु हुने भएको छ ।
यसअघि यहाँबाट पुनः श्रम स्वीकृतिको काम मात्रै हुँदै आएको थियो । त्यस्तै, वैदेशिक रोजगार कार्यालय पोखरा र बुटवल, श्रम तथा रोजगार कार्यालय सुर्खेत र कैलालीको धनगढीबाट पनि पुनः श्रम स्वीकृति र व्यक्तिगत श्रम स्वीकृति प्रदान हुन थालेको छ ।
आइतबारदेखि विराटनगर र जनकपुरबाट श्रम स्वीकृतिको काम सुरु भएसँगै यो सेवा सातै प्रदेशमा पुगेको छ ।
