काठमाडौँ । लुम्बिनी अल स्टार्स पहिलो संस्करणको नेपाल टी–ट्वान्टी लिगको क्वालिफायसरमा प्रवेश गरेको छ ।

त्रिवि क्रिकेट मैदानमा आज (बुधबार) लुम्बिनीले काठमाडौं नाइट्सलाई १०२ रनले हराएको हो । १७ ओभरमा घटाइएको खेलमा लुम्बिनीले दिएको १८४ रनको लक्ष्य पछ्याएको काठमाडौंले १५ ओभर ४ बलमा अलआउट भएर ८१ रन बनायो ।

लुम्बिनी अलस्टार्स ९ खेलमा ८ जित सहित १६ अंकसहित शिर्ष स्थानमा रहेको छ । यस जितसँगै लुम्बिनीले शीर्ष २ मा रहँदै क्वालिफायर्स खेल्ने पक्का भएको हो ।

लुम्बिनीका ओपनर हर्मित सिंहले सर्वाधिक ७० रन बनाए। उनले ३६ बलमा २ चौका र ८ छक्का प्रहार गरे। अर्का ओपनर लहिरु मिलन्थाले २६ रन बनाए ।

गुल्सन झाले ११ बलमा २१ रन बनाउँदै अनिल खरेलबाट बोल्ड भए । कुशल भुर्तेल अभिनाश बोहराको बलमा सुनम गौतमबाट क्याच भए । ह्यारी टेक्टरले ८ बलमा १७ रन बनाए । विपुल शर्मा ५ र अनिल शाह १६ रनमा अविजित रहे ।

काठमाडौंका लागि अभिनाश बोहराले सर्वाधिक ३ विकेट लिए । वसिर अहमदले २ र अनिल खरेलले १ विकेट लिए ।