काठमाडौं । गृहमन्त्री रवि लामिछानेकी पत्नी निकिता पौडेलले महंगो हाते झोला बोकेको फोटो सामाजिक संजालमा भाइरल नै भएको छ । निकिताले बोकेको हाते झोलाको मूल्य अमेरिकी डलर ४ हजार ८ सय रहेको छ ।

यसको नेपाली मूल्य करिब साढे ६ लाख हुन जान्छ । यो फोटोलाई गृहमन्त्री लामिछानेसँग जोडेर विभिन्न प्रतिक्रिया आइरहेका छन् ।

लामिछानेले पत्नीलाई साढे ६ लाखको हाते झोला किनेर आर्थिक पारदर्शिताका कुरा गरेको सामाजिक संजाल प्रयोगकर्ताहरुले बताएका छन् ।

उनीहरुले निकितालाई ‘दोस्रो आरजु’ समेत भनेका छन् । पूर्वप्रधानमन्त्री शेरबहादुर देउवा पत्नी आरजुसँग निकिताको तुलना गर्दै ‘राष्ट्रिय भाउजु’ भनेका छन् ।