अनलाइन डबली
काठमाडौं । रुसले युक्रेनले पूर्वी क्षेत्रमा भएको क्षेप्यास्त्र आक्रमणको जवाफी हमला गरेको छ । सोमबार युक्रेनले डोनेस्क क्षेत्रमा अमेरिकाले दिएको हाईमार्स मिसाइलबाट आक्रमण गरेको थियो ।
स्थानीय अधिकारीहरुले हमलाबाट आबासीय क्षेत्रमा भएको र ४३ जनाको ज्यान गएको बताएका छन् । माईकोलाईभको एक प्राविधिक विद्यालयमा अस्थायी रुपमा बसेको रुसी सैन्य टुकडीलाई लक्षित गरेर युक्रेनले हमला गरेको अन्तर्राष्ट्रिय संचारमाध्यमहरुले बताएका छन् ।
रुसी सेनाले उक्त हमलाको जवाफस्वरुप युक्रेनको राजधानी किभमा ड्रोन तथा क्षेप्यास्त्र हमला गरेको छ । एकै पटक दर्जनाैं हमला भएको युक्रेनी अधिकारीहरुले स्वीकार गरेका छन् ।
रुसी सेनाले राजधानी किभमा केही हप्तापछि मात्रै यो स्तरको हमला गरेको छ । हमला प्रशासनिक र सैन्य क्षेत्रमा गरिएको बताइएको छ । युक्रेनको कति क्षति भयो भन्ने स्वतन्त्र रुपमा पुष्टी हुन सक्दैन । उसले दिने सूचना नै अहिलेसम्म संचारमाध्यमहरुले समाचारमा उल्लेख गर्ने गरेका छन् ।
