अनलाइन डबली
काठमाडौं । जनवादी कोरियाले एकै पटक तीनवटा शक्तिशाली ब्यालेस्टिक मिसाइल प्रहार गरेको छ । जापानको रक्षा मन्त्रालयले तीनवटै मिसाइल आफ्नो समुद्री क्षेत्रमा प्रहार गरिएको जनाएको छ ।
स्थानीय समयानुसार बिहान ८ : ०० बजे, दोस्रो ८ : १४ बजे र तेस्रो त्यसको एक मिनेटपछि प्रहार भएको जापानको रक्षा मन्त्रालयले जनाएको छ । उसले मिसाइल छोटो दूरी पार गरि समुद्री क्षेत्रमा खसेको समेत जनाएको छ ।
तीनवटै मिसाइल राजधानी प्योङयाङको उपनगरबाट प्रहार गरिएको थियो । ती मिसाइल १०० किलोमिटरको उचाइबाट ३५० किलोमिटरसम्म उडेको अनुमान गरिएको छ ।
अन्तर्राष्ट्रिय संचारमाध्यमहरुले मिसाइलहरू जापानको समुद्री क्षेत्र तर विशेष आर्थिक क्षेत्रभन्दा बाहिर खसेकाे जनाएका छन् ।
