अनलाइन डबली
काठमाडौं । त्रिभवन विश्वविश्वालयले पुस १७ गतेदेखि हिउँदे दिने भएको छ । यो वर्ष घटाएर हिउँदे बिदा दिने भएको हो । त्रिविका अनुसार बढीमा २२ दिनसम्म हिउँदे बिदा दिने निर्णय गरेको छ ।
त्रिविले पुस १७ गतेदेखि २२ दिन शिक्षक तथा विद्यार्थीलाई हिउँदे बिदा दिने निर्णय गरेको छ । यही पुस ३ गते बसेको त्रिविको कार्यकारी परिषद् बैठकले आगामी पुस १७ गतेदेखि बढीमा २२ दिनसम्म हिउँदे बिदा दिने निर्णय गरेको थियो ।
त्रिविले जारी गरेको सूचनामा सम्पूर्ण आङ्गिक क्याम्पस तथा केन्द्रीय विभागमा पूर्व व्यवस्थाअनुसार शिक्षक र विद्यार्थीहरुलाई दिइदैँ आएको हिउँदे बिदा यो वर्ष आ–आफ्नो निकायको अनुकूलता हेरि पुस १७ गतेदेखि बढीमा २२ दिनसम्म दिनसकिने गरी स्वीकृति भएको जनाएको छ ।
कोरोनाका कारण विगतमा हिउँदे बिदा समेत कटौती गरिएको थियो । २ वर्षसम्म हिउँदे बिदा नदिएको त्रिविले गत वर्ष बढीमा १० दिन मात्रै हिउँदे बिदा दिएको थियो ।
त्रिविले लामो समयपछि स्ववियु चुनाव पनि गराउन खोजिरहेको छ । फागुन २८ गते चुनाव गर्ने गरी त्रिविले तयारी अगाडि बढाएको छ ।
