अनलाइन डबली
काठमाडौं । गठबन्धनको बैठक सुरु भएको छ । विहान ९ बजेको लागि बैठक बोलाइएको बैठक केही ढिलो गरी बैठक सुरु भएको छ ।
आजको बैठकमा मन्त्रिमण्डल विस्तार, राप्रपाले अगाडि सारेका माग र सरकारका कामकारवाहीलाई कसरी प्रभावकारी बनाउने भन्नेमा छलफल हुने बताइएको छ ।
हिजो मात्रै नेकपा एमालेका अध्यक्ष केपी शर्मा ओली र प्रधानमन्त्री प्रचण्डबीच लामो छलफल भएको थियो । त्यसअघि नेकपा एकीकृत समाजवादीका अध्यक्ष माधव कुमार नेपाल र जनता समाजवादीका अध्यक्ष उपेन्द्र यादवसँग पनि प्रचण्डले छुटाछुट्टै भेट गरेका थिए ।
सरकारलाई समर्थन गरेर बाहिर रहेका राष्ट्रिय प्रजातन्त्र पार्टी, जनता समाजवादी पार्टी, नागरिक उन्मुक्ति पार्टीलाई पनि सरकारमा सहभागी गराउने विषयमा प्रधानमन्त्री प्रचण्डले छलफल तथा भेटवार्तालाई तीब्र पारेका छन् ।
राप्रपाले पृथ्वीजयन्तीमा सार्वजनिक बिदालगायतका सर्त राख्दै सरकारमा जाने निर्णय गरेको छ भने नागरिक उन्मुक्ति पार्टीले तत्काल सरकारमा नजाने निर्णय गर्दै कारागारमा रहेका नेता रेशम चौधरीको रिहाईबारे सरकारको धारणा मागेको छ ।
उता जसपाले सरकारमा जाने बताएपनि औपचारिक निर्णय भने गरिसकेको छैन ।
