अनलाइन डबली
काठमाडौँ । प्रधानमन्त्री प्रचण्डले पद तथा गोपनियताको शपथ लिएका छन् । राष्ट्रपति विद्यादेवी भण्डारीले शितल निवासमा आयोजित विशेष कार्यक्रममा शपथ खुवाएकी हुन् । प्रधानमन्त्री प्रचण्डसँगै तीन जना उपप्रधानमन्त्रीसहित ८ मन्त्रीले पनि शपथ लिने कार्यक्रम तय भएको छ ।
पहिलो पटक दौरा सुरुवालमा प्रचण्डले प्रधानमन्त्रीको शपथ लिएका छन् । यसभन्दा अघि २ पटक प्रधानमन्त्री बन्दा अध्यक्ष दाहालले भादगाउँले टोपीसहित कोट(पेन्टमा शपथ ग्रहण गरेका थिए ।
प्रचण्डले देश र जनताको नाममा शपथ लिएका छन् । राष्ट्रपतिले इश्वरको नाममा भन्दा प्रचण्डले ‘देश र जनता’ उचारण गरेर शपथ लिएका हुन् ।
