अनलाइन डबली
काठमाडौँ । प्रधानमन्त्रीको दाबी पेश गर्न नेकपा माओवादी केन्द्रका अध्यक्ष प्रचण्ड राष्ट्रपति निवास पुगेका छन् । प्रचण्डको नेतृत्वमा नयाँ सरकार बनाउने सहमति भएपछि बहुमत सांसदको समर्थनसहित प्रचण्ड शितल निवास पुगेका हुन् ।
राष्ट्रपतिले दिएको समय सीमा नसकिँदै प्रचण्डसहितका नेताहरु शितल निवास पुगिसकेका छन् । प्रचण्डलाई एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, नागरिक उन्मुक्ति पार्टी, जनमत पार्टीका सांसदहरुको समर्थन गरेका छन् । सांसदहरुले हस्ताक्षर गरेको पत्र राष्ट्रपति कार्यालयमा दर्ता गर्ने तयारी भइरहेको छ ।
भोलि प्रधानमन्त्रीको नियुक्ति र शपथ ग्रहण भोलि मात्रै हुने बताइएको छ ।
