अनलाइन डबली
काठमाडौं । क्रिश्चियन धर्मालम्बीले आज आज क्रिसमस डे मनाइरहेका छन् । हरेक वर्ष २५ डिसेम्बरमा येशु ख्रिष्टको जन्मदिनको खुसियालीमा क्रिश्चियनहरुले संसारभर मनाइरहेकाछन् । नेपालमा क्रिश्चियनहरुले क्रिमसम डे मनाउँदै आएका छन् । सरकारले आज सार्वजनिक बिदा समेत दिएको छ ।
२००० वर्षअघि जेरुसेलमको बेथलेहममा कन्या मारियमको कोखबाट येशुको जन्म भएको मानिन्छ । येशुलाई जिसस क्राइस्ट पनि भनिन्छ । उनले मानव समुदायका लागि पुर्याएको योगदानको सम्झनामा इस्वी संवत् चलाइएको विश्वास गरिन्छ ।
क्रिश्चियनहरुले आज देशभरका चर्चमा प्रार्थनालगायत कार्यक्रम गरी येशु ख्रीष्टको सम्झना गरिरहेका छन् । क्रिसमस डेमा येशुको शिक्षा एवं उपदेशको मनन गर्नुका साथै प्रेम प्रकट गर्दै, शुभकामना तथा उपहार आदानप्रदान गरिन्छ ।
यसैबीच राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, नेकपा माओवादी केन्द्रका अध्यक्ष प्रचण्ड, नेकपा एमालेका अध्यक्ष केपी शर्मा ओलीलगायतले क्रिसमस डे को अबसरमा शुभकामना दिएका छन् ।
