अनलाइन डबली
काठमाडौं । नेवार समुदायले काठमाडौँ भित्र रहेका सबै किसिमका अनधिकृत बस्ती हटाउने काठमाडौं महानगरपालिकाको प्रयासलाइ समर्थन गरेको छ । समुदायका १५ विभिन्न समाज , संघले आज एक पत्रकार भेटघाट कार्येक्रम गरि बागमती तथा बिष्णुमति नदि किनारका सुकुम्बासी बासिन्दालाई उनीहरुको थातथलो रहेको जिल्लामा बसोबासको व्यवस्था हुनुपर्ने धारणा सार्वजनिक गरेको छ ।
काठमाडौंको सांस्कृतिक पहिचानमाथि वाग्मती नदी किनारास्थित अनधिकृत बस्तीले जटिल अवस्थामा पुर्याउदै सभ्यता मेटिने चुनौती थपेको विभिन्न संघ , समाजको भनाइ रहेको छन ।
नेवाःजातीय महासंघका अध्यक्ष मनोज नेवाःखड्गीले काठमाडौं महानगरको अभियानलाई हाम्रो समर्थन रहेको बताउदै अनधिकृत बस्तीमाथि पर्न जाने असुविधालाई पनि नजरअन्दाज गर्न नसकिने बताए । उहाँहरुलाई राज्यले थातथलो रहेको जिल्लामा बसोबासको व्यवस्था गरिदिनुपर्ने खडगीको भनाइ छ ।
समाजले नदि किनार खाली गर्नुपर्ने पक्षमा धारणा राख्दै गर्दा त्यस बस्तीमा बास्दै आएका नागरिकप्रति आफूहरुको कुनै पनि वैरभाव नभएको बताएको छ । संगठनहरुले आफुहरुको सरोकार काठमाडौंको मौलिक पहिचान, सभ्यताको संरक्षणका लागि मात्र भएको बताएका छन् ।
