अनलाइन डबली
काठमाडौं । कतारमा चलिरहेको फिफा विश्वकप २०२२ को आज निर्णायक अर्थात फाइनल खेल हुने दिन। खेलाडीको लागि मात्रै होइन फुटबल प्रेमीको लागि पनि विशेष दिन ।
आज उपाधिको लागि अर्जेन्टिना र फ्रान्स खेल्दैछन् । कतारको लुसेल मैदानमा नेपाली समय अनुसार आज ८ः४५ बजे सुरु हुनेछ ।
उपाधिको लागि अर्जेन्टिना सेमिफाइनलमा क्रोएसियालाई ३–० गोलले हराउँदै फाइनलमा पुगेको थियो भने फ्रान्सले मोरक्कोलाई २–० गोलले । अर्जेन्टिना र मोरक्को पहिलो पटक विश्व कपको फाइनलमा खेल्न लागेका छन् । फ्रान्स विश्व कपको साविक विजेता टोली पनि हो ।
यसअघि नै अर्जेन्टिनाले दुईपटक विश्वकप जित हात पारिसकेको थियो । तेस्रो पटक उपाधि जित्ने सुरमा अर्जेन्टिना छ भने लगातार दुई पटक विश्वकप । अर्जेन्टिना ८ वर्षपछि फाइनल पुगेको छ । सन् १९८६ पछि विश्व कपको उपाधिको लागि भिड्दैछ । यसअघि उसले १९७८ मा उपाधि जितिसकेको थियो ।
सन् २०१४ मा अर्जेन्टिना फाइनलमा जर्मनीसँग अतिरिक्त समयमा पराजित भएको थियो । अर्जेन्टिनाका कप्तान ३५ वर्षका लिओनल मेस्सीका लागि यो अन्तिम विश्व कप हो । उनकै नेतृत्वमा अर्जेन्टिनाले गएको वर्ष कोपा अमेरिकाको उपाधि समेत जितेको थियो ।
त्यसैगरी फ्रान्सले पहिलो पटक सन् १९९८ र २०१८ र मा विश्व कपको उपाधि जितेको थियो । यसपालि जितेमा फ्रान्सले लगातार दोस्रो पटक जितेर उपाधि नै रक्षा गर्नेछ । साथै लगातार उपाधि जित्ने दोस्रो देश पनि बन्नेछ ।
फुटबलको इतिहासमा सबैभन्दा बढी विश्वकप जित्ने ब्राजिल हो । उसले पाँच पटक उपाधि जितेको छ । तर यसपटक भने ब्राजिल क्वाटरफाइनलमा क्रोएसियासँग पेनाल्टी सुटआउटमा पराजित हुन पुग्यो ।
यो विश्व कप फुटबलमा मोरक्कोलाई हराउँदै क्रोएसिया तेस्रो भएको छ । गएराति कतारको खलिफा मैदानमा भएको खेलमा मोरक्कोलाई २–१ गोलले हराउँदै क्रोएसिया तेस्रो भएको हो ।
