काठमाडौं । कतारमा जारी फिफा विश्वकप फुटबलमा क्रोएसिया तेस्रो स्थान ओगटेको छ । गएराति कतारको खलिफा मैदानमा भएको खेलमा क्रोएसियाले मोरक्कोलाई २–१ गोलले पराजित गरेको थियो । योसँगै मोरक्कोले चौथो स्थानमा चित्त बुझाउने परेको छ ।

क्रोएसियाको जितमा जोस्को गार्भाडिओल र मिस्लाभ ओरिसिचले एक/एक गोल गरे । मोरक्कोका अच्राफ दारीले एक गोल फर्काए । खेलको सातौंँ मिनेटमा जोस्कोले गोल गर्दै क्रोएसियालाई अग्रता दिलाएका थिए । तर, खेलको नवौँ मिनेटमा नै दारीले गोल गरी मोरक्कोलाई बराबरीमा ल्याए ।

क्रोएसियाका सोरिसिचले खेलको ४२ औँ मिनेटमा गोल थपे । प्रतिस्पर्धात्मक खेलमा त्यसपछि थप गोल हुन सकेन । सेमिफाइनलमा साविक उपविजेता क्रोएसिया अर्जेन्टिनासँग ३–० गोल र मोरक्को साविक विजेता फ्रान्ससँग २–० ले पराजित भएको थियो । उपाधिका लागि आज अर्जेन्टिना र फ्रान्स खेल्दैछन् ।