अनलाइन डबली
काठमाडौँ । चीन र भारतबीच सीमा क्षेत्रमा भएको झडपमा भारतका दर्जनाैं सैनिक घाइते भएका छन् । पूर्वतर्फको अरुणाचल प्रदेशस्थित तवांग सीमा क्षेत्रमा चीन र भारतीय सेनाबीच झडप भएको हो । झडपमा घाइते भारतीय सैनिकको गुवाहाटीको अस्पतालमा उपचार भइरहेको छ ।
उक्त क्षेत्रमा शुक्रबार राति झडप भएपनि घटना भारतीय संचारमाध्यमहरुले सोमबार मात्रै सार्वजनिक भएका छन् । भारतका मुलधारका संचारमाध्यमहरुले भारतका केही सैनिक घाइते भएको भनेर समाचार सम्प्रेशण गरेपनि केही साना भनिएका संचारमाध्यमहरुले भने दर्जनौं सैनिक घाइते भएको उल्लेख गरेका छन् ।
भारतीय सञ्चारमाध्यम द हिन्दुका अनुसार लामो समयदेखि विवाद रहेको तवाङको याङत्सेमा झडप भएको थियो । सो क्षेत्रमा चीन र भारत दुबैले दाबी गर्दै आएका छन् । यहाँ लामो समयदेखि दुबै देशका सेना आपनेसामने रहेका छन् ।
भारतीय सेनाले सीमा रेखा टच गरेपछि तनावपूर्ण अवस्था सिर्जना भएको र भारत पछि नहटे युद्धको अवस्था हुने सक्ने चिनियाँ संचारमाध्यमहरुले जनाएका छन् ।
यसअघि २०२० जुनमा भारतको ठूलो क्षेति हुने गरी भएको झडपपछि सीमा क्षेत्रमा यो पहिलो तनाव हो । सन् १९६२ मा भएको युद्धले पनि दुई देशको सीमा विवाद समाधान गरेको छैन ।
