अनलाइन डबली
काठमाडौं । आज यो वर्षकै सबैभन्दा बढी चिसो भएको छ । मौसम पूर्वानुमान महाशाखाका अनुसार आज विहान जुम्लामा न्यूनतम तापक्रम माइनस ४.५ डिग्री सेल्सियस देखिएको छ ।
त्यस्तै दोस्रो बढी चिसो मुस्ताङमा बढेको छ, जोमसोममा पनि न्यूनतम तापक्रम माइनस ४ डिग्री सेल्सियसमा झरेको छ र जिरीमा न्यूनतम तापक्रम शून्य आसपास पुगेको छ ।
त्यसैगरी काठमाडौँमा पनि आज यो वर्षकै सबैभन्दा तापक्रम छ । मौसम पूर्वानुमान महाशाखाका अनुसार काठमाडौंको तापक्रम यो वर्षकै सबैभन्दा कम न्यूनतम तापक्रम ५ दशमलव ४ डिग्री सेल्सियसमा झरेको छ ।
आइतबार काठमाण्डौको न्यूनतम तापक्रम ६ डिग्री सेल्सियस थियो । न्यूनतम तापक्रम घट्न थालेसँगै चिसो बढ्दै गएको छ ।
महाशाखाका अनुसार सोमबार देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ ।मंगलबार पनि प्रदेश १, मधेस प्रदेश र बागमती प्रदेशमा आंशिक बदली रही बाँकी भू-भागमा मौसम सामान्यतया सफा रहनेछ ।
तराईका केही भू-भागमा बिहानीपख हुस्सु/कुहिरो लाग्ने तथा देशका अधिकांश भू-भागमा तापक्रम क्रमिक रूपमा घट्दै जाने सम्भावना रहेको हुनाले चिसोबाट बच्न आवश्यक सावधानी अपनाउन महाशाखाको अनुरोध छ ।
त्यसैगरी हिमाली जिल्ला केही क्षेत्रमा हिमपात सुरु भएको छ ।
