अनलाइन डबली
काठमाडौं । खेलमा अस्वाभाविक क्रियाकलाप गरेर प्रतिस्पर्धीलाई झुक्याउने र छक्याउने तथा चिट गर्ने खेलाडीको पहिचान बनाएका ब्राजिलका कप्तान नेयमारले सन्यास लिने भएका छन् । गएराति भएको खेलमा नेयमारको टीमले क्रोसिएसँग सजिलै पराजित भएको थियो ।
छैटौं पटक विश्व कप जित्ने सपना बोकेर कतार पुगेको ब्राजिल सेमिफाइलनमा प्रवेश गर्न नसकेपछि नेयमारले सन्यासले लिने संकेत गरेको अन्तर्राष्ट्रिय संचारमाध्यमहरुले समाचारमा उल्लेख गरेका छन् । उनले आफू ब्राजिलका लागि खेल्न जारी राख्ने ग्यारेन्टी दिन नसक्ने बताएसँगै उनले सन्यास लिन लागेको बताइएको हो ।
त्यसैगरी ब्राजिलका मुख्य प्रशिकले पनि राजिनामा दिएका छन् । प्रशिक्षक टिटेले राजीनाको घोषणा गरेका छन् । उनले प्रतियोगिता अघि नै उनले आफ्नो टोलीको प्रदर्शनका बाबजुद राजीनामा दिने बताइसकेका थिए । ६१ वर्षीय टिटेले ब्राजिलको प्रबन्धकको रूपमा ६ वर्ष काम गरेपछि आफू ‘शान्तिमा जान लागेको’ बताएका छन्।
यता ३० वर्षीय नेयमारले भने आफ्नो निर्णयको मूल्याङ्कन गर्ने बताउँदै भने, ‘मैले यस बारे अलि बढी सोच्न आवश्यक छ, म राष्ट्रिय टोलीका लागि कुनै ढोका बन्द गरिरहेको छैन तर म फर्किने १००% ग्यारेन्टी पनि दिइरहेको छैन। मैले यसबारे अलि बढी सोच्न आवश्यक छ कि मेरो लागि र राष्ट्रिय टोलीको लागि सही कुरा के हो।’
पाँच पटकको विश्व कप विजेता ब्राजिललाई यसअघिको उपविजेता क्रोसिएलाले १-१ को बराबरीमै रोकेपछि खेल पेनाल्टीमा चरणमा पुग्यो । कतारकाे एजुकेशन सिटी स्टेडियममा भएकाे खेलमा क्राेएसियाले पेनाल्टीमा ब्राजिललाई चार–दुई गाेलले हरायाे ।
यसअघि निर्धारित ९० मिनेटमा गाेल हुन नसकेपछि ३० मिनेट थपिएकाे थियाे । थपिएकाे समयमा ब्राजिलका लागि नेयमारले गाेल गरे । तर त्याे अग्रता धेरै बेर टिकेन । क्राेएसियाका लागि ब्रुनाे पेटकाेभिकले गाेल गर्दै खेल एक–एककाे बराबरीमा पुर्याए । त्यसपछि खेल पेनाल्टी शुट आउटमा पुगेकाे हाे । ब्राजिलले सन् १९५८, १९६२, १९७०, १९९४ र २००२ मा विश्व कपकाे उपाधि जितेकाे थियाे ।
