अनलाइन डबली
काठमाडौं । मत गणना अन्तिम चरणमा पुग्दा बाजुरामा गठबन्धनका उम्मेदवार बद्री पाण्डेले मतान्तर फराकिलो बनाउँदै लगेका छन् । आइतबार विहानसम्म आउँदा नेपाली कांग्रेसका बद्री पाण्डेको अग्रता कायमै छ ।
पाण्डेले २६ हजार ९ सय ८६ मत प्राप्त गर्दा उनका निकटतम् प्रतिद्वन्द्वी थापाले २३ हजार २०८ मत प्राप्त गरेका छन् । थापा ३ हजार ७७८ मतान्तरले पछि परेका छन् ।
प्रदेशसभा १ मा एकीकृत समाजवादीका उम्मेदवार नरेश शाहीले निर्वाचित भएका छन् भने प्रदेशसभा २ मा कांग्रेसका उम्मेदवार पदमबहादुर शाहीको अग्रता छ । शाही गठबन्धन उम्मेदवारका विरुद्ध बागी हुन् । गठबन्धनबाट माओवादीले सो क्षेत्र पाए पनि नेकपा एकीकृत समाजवादीले शाहीलाई उम्मेदवार उठाएको थियो ।
शाहीले १७ हजार ९२७ मत पाएर विजयी भएका हुन् । निकटतम् प्रतिद्वन्द्वी एमालेका उम्मेदवार लालबहादुर थापाले १५ हजार १७२ मत पाएका छन् । बाजुरामा बुधबार बेलुकी ६ः ३० बजेबाट सुरु भएको मतगणना अहिले पनि जारी छ ।
