अनलाइन डबली
काठमाडौं । नेकपा माओवादीका नेता गिरिराजमणि पोखरेलले अग्रता लिएको महोत्तरीको निर्वाचन क्षेत्र नम्बर १ मा नेकपा एमालेका लक्ष्मी महतो कोइरी निर्वाचित भएका छन् । सुरुवाती अग्रता लिएका काेइरी पछि परेका थिए ।
माओवादी केन्द्रका उपमहासचिव समेत रहेका पोखरेल पराजित भएसँगै गर्दै प्रतिनिधि सभा सदस्यमा निर्वाचित भएका हुन् । पोखरेलको अग्रताले माओवादीले १८ सिट जिन्ने अनुमान गरिएको थियाे तर अब माओवादी केन्द्र प्रतिनिधिसभमा प्रत्यक्षतर्फ १७ सिटमा सिमित भएको छ ।
महतोले २३ हजार ४०२ मत ल्याएर विजयी हुँदा पोखरेलले २२ हजार ३७२ मत पाए । यस्तै, स्वतन्त्र उम्मेदवार पोषणबहादुर थापाले ७ हजार ८१२, जनमत पार्टीका राजकिशोर साहले तीन हजार ५९८, राष्ट्रिय स्वतन्त्र पार्टीकी खेमकुमारी भुर्तेलले दुई हजार ६४ मत पाइन् ।
यसैबीच रामेछापमा प्रतिनिधिसभा सदस्यमा वाम लोकतान्त्रिक गठबन्धनबाट कांग्रेस उम्मेदवार पूर्णबहादुर तामाङ निर्वाचित भएका छन् । तामाङले एमाले उम्मेदवार कैलाशप्रसाद ढुंगेललाई पराजित गरेका हुन् । आइतबार बिहान सकिएको मतगणना परिणामअनुसार तामाङले ढुंगेललाई १६ हजार ३ सय ६९ को मतान्तरले पराजित गरेका हुन् ।
निर्वाचन आयोगका अनुसार तामाङले ४७ हजार ९८ मत प्राप्त गरेर जित हासिल गर्दा एमालेका ढुंगेलले ३० हजार ७ सय २९ मत प्राप्त गरेका छन् । यसअघि २०७४ को प्रतिनिधिसभा सदस्य निर्वाचनमा उम्मेदवार बनेका उनी पराजित भएका थीए ।
