काठमाडौं । साउदी अरेबियाले अर्जेन्टिनाविरुद्ध बराबरी गोल फर्काएको छ । समूह सी अन्तरगतको खेलमा लियोनेल खेलको १० औँ मिनेटमा गोल गर्दै ​अर्जेन्टिनालाई अग्रता दिलाएका थिए ।

पहिलो हाफमा लियोनेल मेस्सीले खेलको १० औं मिनेटमा गोल गर्दै अर्जेन्टिनालाई अग्रता दिलाएका थिए । खेलको दोस्रो हाफको सुरुवातमा नै साउदी अरेबियाको लागि सालेह अलसेहरीले गोल गरेरे बराबरी बनाएका छन् । खेलको ४८ औँ मिनेटमा सालेह गोल गरेका थिए ।

अर्जेन्टिनाले साउदी अरेबियाविरुद्ध पहिलो हाफमा नै सात वटा अफसाइड गरेको छ । कुनै पनि विश्वकपको खेलको पहिलो हाफमा भएको दोस्रो सर्वाधिक अफसाइड हो ।

यसअघि स्पेन र रिपब्लिक अफ आरल्याण्डबीच भएको सन् २००२ को विश्वकपको खेलमा ९ वटा असफसाइड भएका थिए । सन् २०१८ को पुरै प्रतियोगितामा अर्जेन्टिनाको मात्र ६ वटा अफसाइड भएको थियो ।