अनलाइन डबली
काठमाडौँ । अमेरिकाको भर्जेनिया विश्वविद्यालयको परिसरभित्र गो ली चल्दा तीन विद्यार्थीको मृत्यु भएको छ।
विश्वविद्यालयको फुटबल क्लबका खेलाडीसमेत रहेका तीन जनाको गोली प्रहारबाट मृत्यु भएको बिबिसीले जनाएको छ। विद्यार्थी सवार बस चार्लोसभिलस्थित पार्किङ हातामा प्रवेशलगत्तै गो ली प्रहार भएको थियो।
गो ली चलाएको आशंकामा विश्वविद्यालयमा पढ्ने २२ वर्षीय छात्र क्रिष्टोफर डेनियल पक्राउ परेका छन्। घटनाबाट आफू निकै विक्षिप्त भएको विश्वविद्यालयका प्रमुख जिम रायनले भनेका छन्।
‘म यो घटनाबाट निकै विक्षिप्त छु,’ उनले भनेका छन्। भर्जिनिया विश्वविद्यालय अमेरिकाको प्रतिष्ठित शैक्षिक संस्था मध्यमै पर्छ।
यता शी जिनपिङसँगको भेटपछि उद्घाटन सम्बोधनमा अमेरिकी राष्ट्रपति जो बाइडेनले अमेरिका र चीनबीचको ‘द्वन्द्व’ कम गर्नुपर्ने आवश्यकतामा जोड दिए ।
उनले जिनपिङसँग सहमति जनाउँदै आमने सामने भेटघाटबाहेक ‘कम विकल्प’ बाँकी भएको बताएका छन् ।
बाइडेनले भने, ‘दुबैजना देशबीच वार्ताको बाटो खुला राख्न प्रतिबद्ध छौँ । ताकि दुबै देशले जलवायु परिवर्तन र असुरक्षा सहित अन्य अत्यावश्यक विश्वव्यापी मुद्दाहरू मा सँगै काम गर्न सकून् ।’
उनका अनुसार विश्व दुबै देशसँग पार्टनरशीपको आशा गरिरहेका छन् ।
