![](https://onlinedabali.com/wp-content/uploads/2022/11/crime-u1.jpg)
काठमाडौं । काठमाडौंको न्युरोडमा एक पुरूषको ह त्यामा संलग्न व्यक्तिलाई प्रहरीले सार्वजनिक गरेको छ। बुधबार दिउँसो प्रहरीले सामाजिक सञ्जाल फेसबुकमार्फत् ह त्या आरोपितलाई सार्वजनिक गरेको हो।
ह त्या आरोपमा मकवानपुरको हेटौंडा उपमहानगरपालिका-१२ का ६२ वर्षीय जीतबहादुर लामालाई प्रहरीले पक्राउ गरेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए।
प्रहरी वृत्त जनसेवाबाट खटिएको काठमाडौं-२५ बाङ्गेमुडामा लुकेर बसेको अवस्थामा फेला पारेको हो। मृतकको पहिचान भने नखुलेको उनले बताए। यद्यपि उनी सोही ठाउँमा मजदुरी गर्दै आएका व्यक्ति थिए।
मंगलबार पौने ७ बजे न्युरोडमा जुद्ध शालिकनजिकै उनको शव फेला परेको थियो। प्रहरीले ढोकामा लगाउन प्रयोग हुने काठको आग्लो पनि बरामद गरेको छ।
उक्त आग्लोले हिर्काएर ह त्या गरेको प्रहरीले जनाएको छ। उनीहरूबीच सुत्ने विषयमा विवाद हुँदा ह त्या भएको हुनुपर्ने एसपी मैनालीले बताए।
‘मापसे पनि गरेको र सोही ठाउँमा सुत्ने विषयमा झगडा हुँदा ह त्या भएको जस्तो प्रारम्भिक अनुसन्धानबाट देखिन्छ,’ उनले भने, ‘उनले ह त्या गरेको पनि स्वीकारिसकेका छन्। अरू कारणहरू थप अनुसन्धानबाट खुल्दै जान्छ।’
जीतबहादुरमाथि मुलुकी अपराध संहिता, २०७४ को परिच्छेद-१२ को ‘ज्यान सम्बन्धी कसूर’ मा प्रहरी वृत्त जनसेवाबाट थप अनुसन्धान भइरहेको प्रहरीले जनाएको छ।