अनलाइन डबली
काठमाडौँ । काठमाडौँ हल्लिनेगरी गएको भूकम्पको केन्द्रविन्दु पत्ता लागेको छ ।
नेपाल र तिब्बतको बोर्डरमा केन्द्र बनाएर बुधबार दिउँसो भूकम्प गएको हो। भूकम्प मापन केन्द्रका प्रमुख लोकविजय अधिकारीका अनुसार बुधबार दिउँसो ३ बजेर ७ मिनेटमा ५.९ म्याग्नेच्युडको भूकम्प गएको हो।
यसको केन्द्र सिन्धुपाल्चोकको तिब्बतसँग सीमा जोडिएको क्षेत्रमा रहेको उनले जानकारी दिए। भूकम्पको धक्का काठमाडौंसहितका आसपासका ठाउँमा महसुस भएको थियो ।
काठमाडौं उपत्यकामा त धक्का थाहा पाउनेहरु घर बाहिर नै निस्केका थिए । यसैबीच वर्षा पछिको पहिरोले अवरुद्ध कर्णाली राजमार्गको जुम्ला खण्ड खुलेको छ ।
एक हप्ता लामो प्रयासपछि नाग्म खण्ड खुलेको र गाडी चल्न चालेको डिभिजन सडक कार्यालय जुम्लाका प्रमुख राजिव श्रेष्ठले जानकारी दिए ।
उनका अनुसार जुम्ला नाग्म खण्डको रारालिहीदेखि नाग्मसम्म दर्जनौं स्थानमा पहिरो गएको थियो ।
कर्णाली राजमार्गमा खटिएका सवइन्जिनियर गोविन्द अधिकारीका अनुसार जुम्ला–नाग्म खण्ड खुले पनि कर्णाली राजमार्गको अन्य ठाउँको पहिरो हटाउने काम भइरहेको छ ।
कालिकोटको पिलीदेखि सेरावाडासम्म काम सकेर गाडी पुगेको छ । तर सेरावाडादेखि नाग्म सम्मको करिब ३० किलोमिटरमा सबैभन्दा कठिन अवस्था छ ।
धनाडादेखि नाग्मसम्म मात्रै १४–१५ स्थानमा ठूला ढुंगा बिष्फोट गर्नुपर्ने अवस्था छ ।
