काठमाडौं । शताब्दी पुरुष सत्यमोहन जोशीको अन्तिम श्रद्धाञ्जली गर्न नेता देखि कलाकारसम्मको उपस्थिति रहेको छ ।

जोशीलाई श्रद्धाञ्जली दिन नेकपा माओवादी केन्द्रका अध्यक्ष पुष्पकमल दाहाल प्रचण्ड, ललितपुर महानगरपालिकाका प्रमुख चिरिबाबु महर्जन, कलाकार मदनकृष्ण श्रेष्ठ लगाएतका व्यक्तित्व र सर्वसाधारण पनि पुगेका छन् ।

स्वास्थ्यमा समस्या देखिएपछि २४ दिन अघि अस्पतालमा भर्ना भएका १०३ वर्षीय वाङ्गमय शताब्दी पुरूष सत्यमोहन जोशीको आइसियूमै राखेर उपचार भइरहेको थियो। आईतबार बिहान ग्वार्कोस्थित किष्ट मेडिकल कलेजमा उपचारको क्रमको जोशीको निधन भएको थियो ।

निधनपश्चात जोशीको शव अन्तिम श्रद्धाञ्जलीको लागि पुल्चोकस्थित ललितपुर महानगरपालिकाको कार्यालय परिसरमा ल्याइएको थियो । जोशीको पार्थिव शरिरमा प्रधानमन्त्री शेरबहादुर देउवाले राष्ट्रिय झण्डा ओढाएका छन् ।