![](https://onlinedabali.com/wp-content/uploads/2022/10/Satyamohan.jpg)
काठमाडौं । शताब्दी पुरुष सत्यमोहन जोशीको १०३ वर्षको उमेरमा निधन भएको छ । आइतबार विहान ७:०९ बजे ग्वार्कोस्थित किष्ट मेडिकल कलेजम उपचारको क्रममा जोशीको निधन भएको हो । जोशीलाई डेंगु संक्रमणपछि एक हप्तादेखि आइसियुमा राखेर उपचार भइरहेको थियो । अस्पतालले सुधार नभएको स्वास्थ्य अवस्था कमजोर बन्दै गएको जनाउँदै आएको थियो ।
जोशी विगत लामो समयदेखि प्रोटेस्ट तथा मुटुको समस्याबाट पीडित थिए भने उनलाई पछिल्लाे समय डेंगुको पनि संक्रमण रहेको थियो । जोशीको डेङ्गु संक्रमणपछि असोज २३ गते छातीमा निमोनियाको संक्रमण साथै मुटुको चाल सम्बन्धी समस्या देखिएको थियो । यस्तै अक्सिजन कमी भएर वनलाई सघन उपचार कक्षमा सिफ्ट गरि उपचार सेवा दिइँदै आएको थियो ।
उनलाई पहिलेदेखि पुरानो रोगले ग्रसित पारेको कारणले जतिसुकै औषधि चलाएता पनि शरीरले राम्रो रेस्पोन्स नगरेको अस्पतालले जनाएको छ । उनको उपचारमा प्रा डा मिलेश जंग सिजापतिको संयुक्त टोली खटिँदै आएको थियो ।
सरकारले जोशीको रेखदेखको लागि एउटा नर्सको व्यवस्था गरेको थियो । मन्त्रिपरिषद् बैठकले जोशीको उपचार सरकारले गर्ने निर्णय समेत गरेको थियो ।