अनलाइन डबली
काठमाडौं । केही दिनदेखि विभिन्न भागमा भइरहेको मौसम बदली र बर्षा आजपनि जारी रहनेछ । मौसम पूर्वानुमान महाशाखाका अनुसार आज देशभरको मौसममा आंशिकदेखि सामान्य बदली रहेको छ । प्रदेश १, मधेस र बागमती प्रदेशका केही स्थानमा चट्याङसहित हल्का वर्षा भइरहेको महाशाखाले जनाएको छ ।
महाशाखाका मौसमविद्का अनुसार आज दिउँसो प्रदेश १, मधेश र बागमती प्रदेशका एक-दुई स्थानमा चट्याङ्ग सहित हल्का वर्षाको सम्भावना रहेको छ । यी स्थानमा राती पनि मध्यम वर्षाको सम्भावना रहेको छ ।
त्यस्तै वर्षाको सम्भावना रहेका पहाडी भूभागमा पनि रहेको छ । ती स्थानमा पहिरो तथा गेग्रान बहावको जोखिम रहनुको साथै सडक तथा हवाई यातायात प्रभावित हुन सक्ने जनाउँदै सतर्क रहन महाशाखाले आग्रह गरेको छ । दशैंको लागि यात्रा तय गरेकाहरुलाई सतर्क भएर यात्रा गर्न मौसमविद्ले चेतावनी दिएका छन् ।
