अनलाइन डबली
काठमाडौँ । नेपाली जनप्रगतिशील मोर्चा कुवेतले चर्चको जग्गा सम्बन्धि भएको विवादबारे अनावश्यक टिकाटिप्पणी नगर्न सिनै नेपाली चर्च कुवेतका एल्डर राम सुनारलाई चेतावनी दिएको छ ।
नेपाली जनप्रगतिशील मोर्चा कुवेतका अध्यक्ष विकल्प र महासचिव सुरेशले बिहिबार एक विज्ञप्ति जारी गर्दै यस्तो चेतावनी दिएका हुन् ।
नेपाली स्वतन्त्र चर्चको तर्फबाट नेपाली जन प्रगतिशील मोर्चा कुवेतसामु चर्चको जग्गासम्बन्धि भएको विवादको बारेमा निवेदन परेको र त्यही निवेदनको आधारमामा सङ्गठनको तर्फबाट बिकल्पलाई जिम्मा दिएको तर निवेदन सङ्गसम्बन्धित निकाएका व्यक्तिसङ्ग सोधपुछ गर्ने क्रममा सिनै नेपाली चर्च फेलोशिप कुवेतका एल्डर राम सुनारले अनावश्यक टिकाटिप्पणीमा उत्रिएको मोर्चाले जनाएको छ ।
त्यति मात्रै नभई एल्डर सुनारले उच्छृङ्खल हर्कत समेत देखाएको र कुवेत मोर्चाको तर्फबाट १० अगस्ट २०२२ मा उनलाई ९ बुँदे स्पष्टीकरण २४(चौबीस) घण्टाको समय दिएर सोधिएको बताएको छ ।
तर त्यसको जबाफ दिनुको सट्टा उल्टै सुनारले दरिद्रता प्रस्तुत गरेको भन्दै मोर्चाले यस्तो हर्कत तत्काल बन्द गर्न चेतावनी दिएको छ ।
‘कुनै संघसंस्था, सङ्गठन, घरपरिवार समाज इत्यादि क्षेत्रमा समस्या आए त्यहाँ भित्रकै जिम्मेवार व्यक्तिहरु मिलेर छलफल र संवादको माध्यमबाट समस्याको समाधनको लागि अरुसंग सयोग मागेको खण्डमा सबैले आफ्नो-आफ्नो क्षेत्रबाट सिमामा रहेर हेर्न सक्छ्न भन्ने समेत हेक्का नभएका मनुवाले अरु संघसंस्था, संगठन र पार्टीहरुको हैसियतको बारेमा कुरा गर्नु आफैमा लज्जास्पद मानसिक सन्तुलन गुमाए सरह हो ।’ बिज्ञप्तिमा भनिएको छ ।
साथै अब आउँदा दिनमा यस्ता हर्कत र गतिहरु नदोहोर्याउन मोर्चाले सुनारलाई सचेत गराएको छ । ‘अब आउदा दिनहरुमा यस्ता गल्ती नदोहोर्याउन र कुनै पनि संघसंस्था, समाज र संगठनको जिम्मेवार यक्तिहरको बारेमा अनावश्यक नकारात्मक टीकाटिप्पणी नगर्न जनप्रगतिशील मोर्चा कुवेतले सिनै नेपाली चर्च फेलोशिप कुवेतका एल्डर राम सुनारलाइ गहिरो ध्यानाकर्षण गराएको छ।’ बिज्ञप्तिमा भनिएको छ ।
