अनलाइन डबली
काठमाडौं । जापानको लागि उडेको नेपाल एयरलाइन्सको विमानमा धुवाँ निस्किएको छ । बुधबार राति काठमाडौंबाट जापानको नारिता उडेको विमानमा धुवाँ निस्किएको हो । विमानमा धुवाँ देखिएपछि पाइलटले आधा घण्टामै काठमाडौंमै फर्किएका थिए ।
त्रिभुवन विमानस्थल कार्यालयका अनुसार जहाजको कार्गो होल यरियामा धुवाँ देखिएको थियो । धुवाँ देखिएपछि पाइलटले जहान पुनः काठमाडौं डाइभर्ट गरेका थिए । जहाज पुनः त्रिभुवन विमानस्थलमै अवरण गरेर यात्रुलाई ओरालिएको थियो ।
विमानस्थल कार्यालयका अनुसार नेपाल एयरलाइन्सको वाइडबडी आर ए ४३३ हवाई जहाज १८४ यात्रु बोकेर बुधबार राति ११ बजे नारिताका लागि उडेको थियो । प्राविधिक जाँचपछि यो जहाज आजै नारिता उड्ने तयारी छ । जहाज पुनः काठमाडौं नै डाइभर्ट भएपछि यात्रुहरु डराएको बताइएको छ ।
