अनलाइन डबली
काठमाडौं । देश नै हल्लाउने गरी शक्तिशाली भूकम्प गएको छ । यो समाचार पपुवा न्यु गिनीको हो । पूर्वी पपुवा न्यु गिनीमा आइतबार ७.६ म्याग्निच्युडको भूकम्प गएको अमेरिकी भूगर्भ सर्वेक्षण (यूएसजीएस)ले जनाएको छ ।
अन्तर्राष्ट्रिय संचारमाध्यमहरुका अनुसार भूकम्पपछि सुनामीको चेतावनी दिइएको पनि सर्वेक्षणले जनाएको छ । भूकम्पको केन्द्रबिन्दुबाट १ हजार किलोमिटर क्षेत्रभित्र सुनामी छालहरू आउन सक्ने यूएसजीएसलले चेतावनी दिएको छ ।
भूकम्पले ठूलो क्षति पु–याएको अनुमान गरिएको छ । भूकम्प कैनान्तु सहरबाट करिब ६७ किलोमिटर टाढा ६१ किलोमिटर (३८ माइल) को गहिराईमा गएको थियो ।
अन्तर्राष्ट्रिय संचारमाध्यमहरुले भूकम्पको प्रारम्भीक क्षतिको विवरण सार्वजनिक गरेका छन् । घरहरु भत्केका र सडकहरु अवरुद्ध भएको समाचारमा जनाइएको छ । केही मानिसहरु घाइते भएको र उनीहरुलाई उद्दार गरिरहेका फोटो पनि संचारमाध्यमहरुले समाचारमा उल्लेख गरेका छन् ।
- फाइल फोटो
