अनलाइन डबली
काठमाडौँ । रुसले आफ्नो पछिल्लो निकै शक्तिशाली लडाकु बिमान भारतलाई दिने लागेको छ । भारतसँग भएको वार्ताको क्रममा अपग्रेड लडाकु बिमान बेच्न तयार भएको हो । भारतले रुससँग सुखोई ३० एमकेआईको अपग्रेड र १२ सुखोई–३० एमकेआई पनि खरिद गर्न वार्ता चलिरहेको छ ।
मिग–३५ बिमान प्रतिघण्टा ३१ सय किलोमिटर उड्न सक्छ । चौथो पीढिको लडाकु बिमान हो । रुसले पहिलो पटक सन् २०१७ मा मिग ३५ को प्रदर्शन गरेको थियो । यो विमान सिंगल डबल सीट मोडलमा बनाइएको छ ।
यो विमानको दुईवटा भेरियन्ट पनि रुसले तयार गरेको छ । सिगल सिट भेरियन्टको नाम मिग– ३५ एस र डबल सिट भेरियन्टको नाम मिग– ३५ यूबी नाम दिइएको छ । सैन्य अस्त्रको पनि अपग्रेड गरेको छ ।
यसमा अप्टिकल लोकेटर सिस्टम लगाइएको हुन्छ । रडारले ट्रयाक गर्न सक्दैन यसले हावाबाट जमिनमा सटिक निसाना लगाउछ । क्रुज मिसाइल प्रहार गर्न सक्षम छ । एकै पटक धेरै मिसाइल प्रहार गर्न सक्छ ।
अमेरिकाले भारतलाई रुससँग सैन्य हतियार खरिदको लागि सहमति दिएको थियो । यसअघि भारतले रुससँग सैन्य अस्त्र खरिदलाई लिएर अमेरिका भारतसँग असन्तुष्ट बन्दै गएको थियो । युक्रेनमा रुसले गरेको सैन्य कारवाहीपछि देखिएको विश्व विभाजनसँगै अमेरिका लचिलो बनेको हो । सम्भावित विश्व युद्धमा भारत रुसको क्याम्पमा जाने अमेरिकालाई डर रहेको छ । त्यसैले अमेरिकाले भारतलाई नचिढाउने रणनीति लिएको छ ।
अमेरिका भारत र चीनबीच द्वन्द्व बढाउन चाहन्छ । अमेरिकी सेना र भारतीय सेनाले चीन–भारत सीमा क्षेत्रमा सैन्य अभ्यास गरेका थिए । यसले चीनलाई अक्रोसित बनाएको छ ।
अहिले भारत रुससँगको पूरानो सम्बन्धलाई थप मजबुद बनाउँदै अमेरिकालाई पनि चिढाउने काम नगर्ने रणनीतिमा छ । चीनसँग भारतले लड्ने अवस्था आयो भने अमेरिकाको साथ चाहिने भारतको बुझाई छ । चीन र रुस मिलेर अगाडि बढिरहेकाले आफूलाई साथ नदिने डर भारतलाई छ ।
भारतीय संचारमाध्यमहरुले हिन्दूस्तानले रुससँगकाे पुरानाे सम्बन्धलाई थप मजबुद बनाउने लागेको छ । यो विमान खरिदको टुंगो लागेसँगै अमेरिका हेरेको हेर्यै भएको भारतीय संचारमाध्यमहरुले बताएका छन् ।
