अनलाइन डबली
काठमाडौँ । युक्रेन युद्धमा अमेरिकाले अस्त्र मात्रै नभएर सेना पनि पठाइरहेको पुष्टि भएको छ । युक्रेनको आह्वानमा भाडाका मान्छेहरुले रुसविरुद्ध लडिरहेको त सार्वजनिक भइसकेको थियो । तर, अमेरिकी सेना नै युद्धमा मारिएका छन् । रुसी रक्षा मन्त्रालयले पत्रकार सम्मेलन गरेरै अमेरिकाले सेना पठाइरहेको कुरा सार्वजनिक गरेको हो । रुसी सेनाले उत्तरी युक्रेनको खारकोवको एउटा गाउँमा गरेको कारवाहीको क्रममा २० जना अमेरिकी सेनाको मृत्यु भएको रुसले बताएको छ ।
पहिलो पटक एकै दिन २० अमेरिकीसहित १ सय जना विदेशी सेनाको मृत्यु भएको रुसी रक्षा मन्त्रालयले जनाएको छ । त्यस्तै, उक्त कारवाहीमा ६ वटा ड्रोन, सात वटा कमाण्ड पोष्टहरु पनि ध्वस्त पारिएको रुसको दावी छ ।
रुस बिरुद्ध लड्न युरोप र अमेरीकाका हजारौँ सेना लडाकु युक्रेनमा परिचालित छन् । उनीहरुमध्ये धेरै पूर्व सैनिक भएको बताइएको छ भने केही बाहलवाला सेना पनि रहेका छन् ।
यसैबीच, युक्रेनले रुसको ब्लाक सि फ्लिटमा ड्रोन मार्फत हमला गरेको छ । क्रिमियाको तटमा रहेको युद्धपोतमा भएको हमलामा चालक दलका ५ जना घाईते भएको र जहाजमा सामान्य क्षति पुगेको क्रिमियाको सेभेष्टोपोलका गभर्नरले बताएका छन् ।
केही दिन पहिले पनि अमेरिकाले दिएको ड्रोनमार्फत क्रिमियाको एयरपोर्ट र रुसी सेनाको बेश आसपासमा युक्रेनले हमला गरेको थियो । उक्त हमला अमेरिकाले गरेको दाबी गरिएको छ । त्यो स्तरको हमला गर्न सक्ने युक्रेनसँग प्रविधि र जनशक्ति नभएकोले अमेरिकाले सुपरसोनिक सिस्टमबाट हमला गरेको हुन सक्ने बताइएको छ ।
युक्रेनमा सैन्य अप्रेसनमा सहभागी रुसी सेनाहरु विरामी पर्न थालेका छन् । क्रित्रिम रुपमा केमिकल विषाक्त फैलिदा सेनाहरु बिरामी परेको रुसी रक्षा मन्त्रालयले जनाएको छ । अस्पतालमा बिरामी सेनाहरु भर्ना भएका छन् । यो युक्रेनको तर्फबाट केमिकल फैलाईएको हो या के कारण हो अनुसन्धान भईरहेको रुसले जनाएको छ ।
