अनलाइन डबली
काठमाडौँ । जनवादी गणतन्त्र कोरियाले क्रुस मिसाइल प्रहार गरेको छ । दक्षिण कोरियाको रक्षा मन्त्रालयका अनुसार बुधबार विहान उत्तर कोरियाले दक्षिण प्योन्गान प्रान्तको ओन्चोनबाट मिसाइल प्रहार गरेको हो । दुबै मिसाइल पश्चिम सागरमा प्रहार गरिएको समाचार एजेन्सी एएफपीलाई जनाएको छ ।
मिसाइल प्रहारबारे विस्तृत नबताएका अमेरिका र दक्षिण कोरियाले विवरणहरूको विश्लेषण गरिरहेको बताएको अन्तर्राष्ट्रिय संचारमाध्यमहरुले बताएका छन् । योनहाप समाचार एजेन्सीका अनुसार उत्तर कोरियाले जनवरीदेखि क्रुज मिसाइल परीक्षण गरेको थिएन । पछिल्लो पटक प्योङयाङले जुलाई १० मा हतियार परीक्षण गरेको थियो । त्यतिबेला उसले धेरै रकेट लन्चरहरू फायर गरेका थिए ।
उत्तर कोरियाले सन् २०१७ यता पहिलो पटक पूर्ण दायरामा अन्तरमहादेशीय ब्यालेस्टिक मिसाइल प्रहारसहित जनवरीदेखि नै प्रतिबन्धित हतियार परीक्षण गरेको थियो । प्योङयाङले आफ्नो सातौं आणविक परीक्षणबारे योजना गरिरहेको बताइएको छ ।
यस हप्ताको सुरुमा, दक्षिण कोरियाली र अमेरिकी सैन्य सेनाहरूले उनीहरूको वार्षिक संयुक्त सैन्य अभ्यासअघि नै प्रारम्भिक अभ्यास सुरु गरेका थिए ।
रुसको आग्रहमा उत्तर कोरियाले पुनर्निर्माणको लागि युक्रेन सेना पठाएपछि यो पहिलो मिसाइल प्रहार हो । युक्रेनमा उत्तरका सेना जानुलाई विश्वयुद्धको तयारीको रुपमा चर्चा भइरहेको बेला क्रुज मिसाइल प्रहार गरिएको छ ।
अमेरिकी राष्ट्रपति जाे बाइडनले एसिया भ्रमणकाे क्रममा जापान पुगेर उत्तर काेरिया विराेधी अभिव्यक्ति दिएका थिए । त्यसकाे उचित जवाफ दिने उत्तर काेरियाली अधिकारीहरूले बताउँदै आएका थिए ।
आफ्नाे वार्षिकी मनाउँने क्रममा सर्वाेच्च नेता किम जाेङ उनले काेरिया द्वीपमा युद्दकाे अवस्था सिर्जना भएकाे बताउँदै त्यसकाे लागि तयार रहेकाे बताएका थिए । अमेरिकाले जापानलाइ सैनिकीकरणमा लैजाने प्रयास गरेपछि उत्तर काेरिया थप आक्रमक भएकाे बताइएकाे छ । उसले जापानलाइ सैनिकीकरण गरेर आफूविरूद्द लड्न लगाउन उत्तरकाे ठहर छ ।
केही दिन पहिले मात्रै रूसका राष्ट्रपति भ्लादिमिर पुटिनले किमलाइ पत्र लेखेर सहकार्यकाे लागि आग्रह गरेका थिए । पुटिनकाे आग्रहलाइ किमले स्वीकार गरेकाे बताइएकाे छ । त्यसलगत्तै शक्तिशाली क्रुज मिसाइल प्रहार गरिनुलाइ अर्थपूर्ण रूपमा हेरिएकाे छ ।
