अनलाइन डबली
काठमाडौँ । अल–कायदा सम्बन्धित जिहादी समूहले मध्य मालीमा एम्बुसमा पारेर रूसी सुरक्षा समूह वाग्नरका चार भाडाका सैनिकहरूलाई मारेको दाबी गरेको छ ।
सहेलको मुख्य जिहादी गठबन्धन सपोर्ट ग्रुप फर इस्लाम एन्ड मुस्लिम (जीएसआईएम)ले शनिबार वाग्नर सिपाहीहरूको समूहलाई बान्डियागारा क्षेत्रमा आक्रमण गरेको जनाएको छ ।
जीएसआईएमका लडाकुले रुसी सुरक्षा समूहका चार जनाको ह त्या गरेको उक्त समूहले जनाएको छ । गुप्तचर अनुगमन समूह एसआइटीई र स्थानीय निर्वाचित अधिकारीले पनि ह त्याको पुष्टि गरेका छन् ।
‘बन्डियागारा नजिकै जिहादीहरूले सप्ताहन्तमा चार रुसीको हत्या गरेका छन्’, एक स्थानीय अधिकारीले नाम नबताउने शर्तमा भने । आफ्ना सैनिकको ह त्या भएपछि त्यसको उचित जवाफ दिने गर्ने पुटिनले तयारी गरेका छन् ।
यता केही अमेरिकी राजनीतिज्ञको ताइवान भ्रमणका बीच चीनले फेरि एकपटक सैन्य अभ्यास गरेको छ । चीनले ताइवान नजिकै यो अभ्यास गरेको हो ।
केही दिन अघि मात्रै चीनले ताइवान वरपर चलिरहेको सैन्य अभ्यास रोकेको थियो । त्यसबेला अमेरिकाको प्रतिनिधिसभाकी सभामुख न्यान्सी पेलोसीको ताइवान भ्रमणपछि चीनले यो अभ्यास सुरु गरेको थियो ।
अब चार अमेरिकी सांसद ताइवान पुगेका छन् । यी अमेरिकी राजनीतिज्ञहरू आइतबार कुनै घोषणा बिना ताइवान पुगेका छन् । भ्रमणका क्रममा उनले ताइवानका राष्ट्रपति ताइ इङ वेनसँग भेट गर्ने अपेक्षा गरिएको छ ।
चीनले आफ्नो एक चीन नीति अन्तर्गत ताइवानलाई आफ्नो हिस्सा मान्छ । चीनले कुनै पनि विदेशी प्रतिनिधिमण्डलको ताइवान भ्रमणको विरोध गरेको छ । चीनले आफ्नो यो नीतिका लागि न्यान्सी पेलोसीको यात्रामा पनि आपत्ति जताएको थियो ।
तर पेलोसीले चीनको आपत्तिलाई बेवास्ता गर्दै ताइवानको यात्रा गरिन् । अमेरिकाले एक चीन नीतिलाई समर्थन गरे पनि पेलोसीको भ्रमणमा बाइडेन सरकारले वक्तालाई कतै जानबाट रोक्न नसक्ने बताएको छ ।
चिनियाँ विदेश मन्त्रालयका प्रवक्ता वाङ वेनबिनले अमेरिकी सांसदको पछिल्लो भ्रमणबारे चीनले आफ्नो सार्वभौमसत्ता र अखण्डताको रक्षा गर्न कडा कदम चाल्ने बताए ।
